Vaia paseo bonito organizan visitando artesáns da cidade! Escoitamos cerámica, viaxamos no tempo, respiramos cheiros de fai 3 pandemias e tremenda sobremesa! Todo cicelado cunha chea de historias xeniais e por zonas menos coñecidas (e máis tranquilas!) da Coruña. Recomendadísimo!
Escollemos esta visita por ser a máis orixinal, inusual e diferente. Gozamos moito coñecendo os segredos do Camiño de Santiago Inglés. Ideal se buscas un roteiro sen aglomeracións e que saia das típicas zonas turísticas. O guía realizou un traballo impecable, é superprofesional e ameno, as tres horas pasáronsenos voando!
Fantástica visita. Aida é unha guía excepcional. Foi un percorrido moi ameno e adaptado ao noso grupo. Pasámolo fenomenal e aprendemos moito. Repetiremos seguro.
Somos os 4 de Coruña e facía tempo que non viamos a nosa cidade como o fixemos hoxe. Foi un paseo cómodo e relaxado polo Monte de San Pedro, felicito aos guías que nos ilustraron sobre a historia e anécdotas da zona. Recomendable ao 100%.
Un paseo moi agradable, para ver e aprender historia e curiosidades da cidade. Xenial.
Unha experiencia fantástica, merquei un bono hai uns meses e o percorrido, o trato e a visita foron xeniais, moi recomendable para facer en parella ou con amigos. Sen dúbida repetirei!
Paseos distintos, nos que descobres cousas que nin imaxinas da cidade. Nótase que lles apaixona o que fan. O tempo pásase voando con estes guías. Merece a pena 100%. Fixen a do Parque Escultórico e estou desexando facer o resto!
Onte puiden percorrer a “Viaxe da auga” e foi unha experiencia marabillosa. Sendeirismo urbano na zona máis rural da cidade, un proxecto interesantísimo de memoria local e unha riqueza paisaxística con toques de medioambiente. O relato engancha e parece que non pasa o tempo, e foron 2 h!
Encantounos a ruta do Camiño Inglés. Moi entretida de principio a fin. Descubrimos sitios e curiosidades da Coruña que non coñeciamos e a sensación final foi moi boa. Sen dúbida repetiremos con eles noutras rutas.
Fixemos o roteiro da contorna da Torre de Hércules e non puido saír mellor. Acompañou a meteoroloxía e pasámolo xenial. Unha visión alternativa á tradicional das guías turísticas, aprendemos moito, participamos da experiencia e gozamos das máis de 2 horas que durou.