A cascarilla é algo propio da identidade da Coruña. Nun porto no que se descargaba gran cantidade de cacao, a casca do mesmo empezou a ser un produto que se consumía bastante en forma de infusión, en gran medida porque resultaba máis barato. Por ese motivo, as xentes de Santiago de Compostela, Ferrol, etc., empezaron a referirse aos cidadáns herculinos como “cascarilleiros”. O alcume, que tiña certa intención burlesca, foi asumido polos coruñeses con orgullo, converténdoo no xentilicio non oficial da cidade. Queremos recuperar esta tradición, facendo que a cascarilla sexa moi protagonista no que facemos. E queremos espertar ese orgullo “ coruño” tantos en locais como en forasteiros.

A cascarilla ten múltiples propiedades beneficiosas debido ao seu alto contido en magnesio, acedos oleico e linoleico, vitaminas e pectinas. Así que é recomendable tomala para a saúde gastrointestinal, para o cansazo, debilidade ou astenia, para a inflamación e retención de líquidos e como fonte de fibra.

Se queres saber máis sobre esta historia, podes apuntarte a un dos nosos andares.